“Elektrik avadanlıqlarına xidmət və təmiri üzrə elektrik montyoru” kursunun buraxılış imtahanı keçirildi. Dövlət Məşğulluq Agentliyi tabeliyində fəaliyyət göstərən Bakı Peşə Hazırlığı Mərkəzində 16.05.2022-dən 18.07.2022-dək keçirilən “Elektrik avadanlıqlarına xidmət və təmiri üzrə elektrik montyoru” peşə hazırlığı kursunun müdavimləri buraxılış imtahanı verdi. “Azərişıq” ASC ilə əməkdaşlıq çərçivəsində təşkil olunan kursun yekun imtahanına 9 müdavim qatıldı. 2 ay davam edən kurs müddətində, məzunlara ölkə üzrə müəyyən olunmuş minimum aylıq əməkhaqqı məbləğində təqaüd ödənilirdi, kursu müvəffəqiyyətlə bitirən şəxslər “Azərişıq” ASC tərəfindən iş ilə təmin olunacaq.
