Dövlət Məşğulluq Agentliyi tabeliyində fəaliyyət göstərən Bakı Peşə Hazırlığı Mərkəzində Qida, Sənaye və İnşaat laboratoriyaları tezliklə sınaqlara başlayacaq.
Dövlət Məşğulluq Agentliyinin, Peşə hazırlığı departamentinin müdiri Fuad Mehdizadə, ''PGM İnspection'' un direktoru Arif Canacık, icraçı direktoru- Arzu Yagcı, ''PGM Caspian MMC''nın direktoru Yusif Məmmədli, direktor müavini Diana Sles, Bakı Peşə Hazırlığı Mərkəzinin yeni qurulan laboratoriyalarına gətirilən texniki avadanlıq və aktivlər ilə tanış oldu. Laboratoriyanın İSO standartlarına uyğun qurulmasına və gələcəkdə yüksəkdəqiqlikli analizlərin aparılması üçün tələb olunan məqamlar haqda tövsiyyələrini verib. Bakı Peşə Hazırlığı Mərkəzində yeni qurulan Qida, Sənaye və İnşaat laboratoriyalarında, müxtəlif qida analizləri, dağıdıcı üsul ilə aparılan sınaqlar, qeyri dağıdıcı üsul ilə aparılan sınaqlar boya məhsullarının sınaqları və izolyasiya məhsullarının sınaqları aparmaq mümkün olacaq.
