Dövlət Məşğulluq Agentliyinin Abşeron-Xızı Regional Məşğulluq filialının göndərişi əsasında Dövlət Məşğulluq Agentliyinin Bakı Peşə Hazırlığı Mərkəzində “Tikiş avadanlıqlarının operatoru, tikişçi” peşəsi üzrə peşə hazırlığı kursunun müdavimləri buraxılış imtahanı verdi.
14 nəfərdən ibarət qrupun nəzəri və təcrübi kursu iki ay davam etdi, 12 nəfər məzun oldu.
Dövlət Məşğulluq Agentliyinə müraciət etmiş işsiz vətəndaşlar, Bakı Peşə Hazırlıq Mərkəzi, Abşeron-Xızı Regional Məşğulluq filialınıngöndərişi əsasında Alyans Tekstil MMC ilə birgə təşkil etdiyi kurslarda iştirak etmək üçün seçimlərdən keçmişdi.
Kursun keçirildiyi iki ay müddətində müdavimər təqaüd alır, təlimlər bitdikdən sonra isə imtahanları müvəffəqiyyətlə verən məzunlara rəsmi dövlət sertifikatı təqdim olunacaq və onlar Alyans Tekstil MMC-də işlə təmin olunacaq.
Sertifikat alıb yüksək məvacibli işlə təmin olunmaq istəyən Bakı, Sumqayıt şəhərləri, Abşeron rayon sakinləri olan vətəndaşlar DOST Agentliyinə və Regional Məşğulluq Filiallarına müraciət edə bilər. “İşsiz” statusu aldıqdan sonra Bakı Peşə Hazırlığı Mərkzində müvafiq peşə hazırlığına cəlb olunub, münasib işlə təmin olunacaq.
